ອິນເດຍ ສຳເລັດການທົດລອງ ລູກສອນໄຟຂີປະນາວຸດ
ລູກສອນໄຟຂີປະນາວຸດ Agni Prime
ຂ່າວສານຫວຽດນາມໃຫ້ຮູ້ເມື່ອບໍ່ດົນມານີ້ວ່າ: ອິນເດຍ ປະສົບຜົນສຳເລັດໃນການທົດລອງຍິງລູກສອນໄຟຂີປະນາວຸດ Agni Prime.
ການທົດລອງຈັດຂຶ້ນທີ່ເກາະ Abdul Kalam, ນອກຝັ່ງລັດ Odisha ຂອງປະເທດ. ແຫຼ່ງຂ່າວໃຫ້ຮູ້ວ່າ: ລູກສອນໄຟ Agni Prime ໄດ້
ບັນລຸເປົ້າໝາຍທັງໝົດຂອງການທົດສອບທາງດ້ານເຕັກນິກ ແລະ ຄວາມແຮງ. ຈາກການທົດລອງ 3 ຄັ້ງ ຕິດຕໍ່ກັນເຫັນວ່າ: ອິນເດຍ ປະສົບ
ຜົນສຳເລັດ. ລູກສອນໄຟ ໄດ້ໄປບິນຕາມເສັ້ນທາງຖືກກຳນົດ ແລະຕິດຕາມດ້ວຍ ຣາດາ ພ້ອມດ້ວຍອຸປະກອນ telemetry ຕິດຕັ້ງ ຢູ່ຕາມ
ຈຸດຕ່າງໆ.
ການທົດລອງລູກສອນໄຟ ຂີປະນາວຸດ Agni Prime ຄັ້ງທຳອິດໄດ້ເລີ່ມຂຶ້ນໃນເດືອນມິຖຸນາ 2021 ແລະ ຄັ້ງທີສອງໃນເດືອນທັນວາ
2021. ທັງສອງຄັ້ງ, ລູກສອນໄຟໄດ້ດຳເນີນໄປຕາມເສັ້ນທາງທີ່ກຳນົດ ແລະ ຖືກເປົ້າໝາຍທັງໝົດດ້ວຍຄວາມແມ່ນຢຳສູງ. Agni Prime,
ເອີ້ນສັ້ນໆວ່າ: Agni-P, ແມ່ນລຸ້ນໃໝ່ທີ່ກ້າວໜ້າຂອງຕະກຸນລູກສອນໄຟປະເພດ Agni, ມີຄວາມສາມາດບັນທຸກຫົວຮົບນິວເຄລຍໄດ້
ອີກດ້ວຍ.
ແຫຼ່ງທີ່ມາ: ໜັງສືພິມກອງທັບ
ວັນທີ 13/03/2024